ᓂᕿᓂᒃ ᑎᑭᓴᐃᖃᑦᑕᕆᐊᓚᐅᖅᑐᓂᒃ ᓂᕿᑦᑎᐊᕙᓕᕆᓂᕐᒧᑦ ᑲᓇᑕᐅᑉ ᐅᑭᐅᖅᑕᖅᑑᓂᖓᓄᑦ

ᓂᕿᑦᑎᐊᕙᓕᕆᓂᖅ ᑲᓇᑕᐅᑉ ᐅᑭᐅᖅᑕᖅᑑᓂᖓᓂ (NNC) ᐱᒋᐊᓚᐅᖅᓯᒪᔪᖅ ᐄᐳ 1, 2011-ᖑᑎᓪᓗᒍ, ᑭᖑᕝᕖᕐᓂᕐᒧᑦ ᐃᓇᖐᓂᕐᒧᑦ ᓯᕗᓂᐊᒍᑦ ᓂᕿᓂᒃ ᑎᑭᓴᐅᕙᓚᐅᖅᑐᓂᒃ ᐊᑐᖅᑕᐅᕙᓚᐅᖅᑐᓂᒃ ᑐᖓᕕᖃᖅᓱᑎᒃ ᐊᒥᓱᒐᓴᖕᓂᒃ ᕿᒥᕐᕈᐊᖅᑕᐅᖃᑦᑕᓚᐅᖅᑐᓂᒃ ᐊᒻᒪᓗ ᖃᐅᔨᓴᖅᑕᐅᖃᑦᑕᓚᐅᖅᑐᓂᒃ ᓯᕗᓂᐊᒍᑦ ᐱᓕᕆᑎᑦᑎᔾᔪᑕᐅᓚᖃᑦᑕᓚᐅᖅᑐᓂᒃ.

ᓂᕿᑦᑎᐊᕙᓕᕆᓂᖅ ᑲᓇᑕᐅᑉ ᐅᑭᐅᖅᑕᖅᑑᓂᖓᓂ (NNC) ᖃᓄᐃᓕᐅᕈᑕᐅᒋᐊᖅᓯᒪᔪᑦ ᓈᒻᒪᖏᓗᐊᓚᐅᕐᓂᖏᓐᓄᑦ ᓂᕿᓂᒃ ᑎᑭᓴᐃᔪᓐᓇᕐᓂᕐᒧᑦ ᐊᑐᖅᑕᐅᓂᖏᓐᓄᑦ ᐊᐅᓚᑕᐅᓚᐅᖅᑐᓂᒃ, ᐃᓚᖃᓚᐅᕐᓂᖏᓐᓂᒃ ᖃᓄᐃᑦᑑᓂᖏᓐᓂᒃ ᓂᖀᑦ, ᖃᐅᔨᒪᔭᐅᓂᖏᑦ ᐊᑐᖅᑕᐅᔪᓐᓇᕐᓂᖏᑦ, ᓴᕿᐅᒪᑦᑎᐊᒃᑲᓐᓂᕆᐊᖃᕐᓂᖏᑦ ᐊᒻᒪᓗ ᐅᓂᒃᑳᖅᑕᐅᑦᑎᐊᖃᑦᑕᕆᐊᖃᕐᓂᖏᓐᓂᒃ ᑎᑭᓴᖅᑕᐅᓂᖏᓐᓂᒃ ᓂᕿᓪᓗ ᐊᑭᖏᓐᓂᒃ, ᖃᓄᖅ ᑎᑭᑎᑕᐅᔪᓐᓇᕐᓂᖏᓐᓄᑦ ᐸᕐᓇᐅᑕᐅᓯᒪᔭᕆᐊᖃᕐᓂᖏᓐᓂᒃ ᐊᒻᒪᓗ ᐃᓱᒪᒋᔭᐅᓂᖅᓴᐅᔭᕆᐊᖃᕐᓂᖏᓐᓂᒃ ᐱᔭᐅᔪᓐᓇᕐᓂᖏᑦ ᐃᓄᐃᑦ ᐃᓕᖅᑯᓯᖏᓐᓄᑦ ᐱᐅᔫᑏᑦ ᓂᕿᑦᑎᐊᕙᐃᑦ ᐅᑭᐅᖅᑕᖅᑐᒥ.

ᑕᐃᒪᖓᑦ ᓂᕿᑦᑎᐊᕙᓕᕆᓂᖅ ᑲᓇᑕᐅᑉ ᐅᑭᐅᖅᑕᖅᑑᓂᖓᓂ (NNC) ᐊᑐᓕᖅᑎᑕᐅᒋᐊᕋᒥᒃ 2011-ᒥ, ᑲᓇᑕᐅᑉ ᒐᕙᒪᒃᑯᖏᑦ ᑮᓇᐅᔭᒃᓴᓂᒃᓯᒪᓕᖅᑐᑦ $53.9 ᒥᓕᔭᓐᓂᒃ ᐊᕐᕋᒍᑕᒫᖅ ᓂᕿᓄᑦ ᐊᑭᑭᒡᓕᒋᐊᕈᑎᒃᓴᓄᑦ ᐊᒻᒪᓗ $2.9 ᒥᓕᔭᓐᓂᒃ ᓄᓇᓕᖕᓂ ᓂᕿᑦᑎᐊᕙᓕᕆᓂᕐᒥᒃ ᐃᓕᓐᓂᐊᕈᑕᐅᔪᓐᓇᖅᑐᓂᒃ. ᐊᑭᖏᑦ ᐋᕿᒋᐊᖅᑕᐅᓯᒪᓕᖅᑐᑦ ᐅᑭᐅᖅᑕᖅᑐᒥ ᓂᕿᑖᕆᔭᕙᒃᑐᑦ ᐃᓚᒌᒃᑐᓄᑦ ᓯᑕᒪᓄᑦ ᐊᑭᑭᒡᓕᒋᐊᖅᓯᒪᓕᖅᑐᖅ ᐊᒥᓱᓂᒃ 5.6% ᐳᓴᓐᑎᓂᒃ ᐅᕝᕙᓗᓐᓃᑦ $110.00-ᓂᒃ ᑕᕿᑕᒫᖅ, ᐊᕐᕋᒍᐃᑦ ᐊᑯᓂᖏᓐᓂᒃ ᒫᔾᔨ 2011-ᒥᒃ ᐊᒻᒪᓗ ᒫᔾᔨ 2013-ᒥ.

ᓂᕿᑦᑎᐊᕙᓕᕆᓂᖅ ᑲᓇᑕᐅᑉ ᐅᑭᐅᖅᑕᖅᑑᓂᖓᓂᒃ ᑮᓇᐅᔭᖅᑐᖏᓐᓂᖅᓴᐅᓯᒪᓂᖏᑦ
ᓱᓇᐅᓂᖏᑦ ᑲᖏᖅᖠᓂᖅ
(ᑭᕙᓪᓕᖅ)
ᑐᒃᑑᔭᖅᑐᖅ
(ᓄᐆᕗᐊᑦᒥ ᑰᖃᐅᕐᓂᖓᓂ, ᐅᐊᓕᓂᕐᒥ)
ᐊᑭᖏᑦ ᓂᕿᑦᑎᐊᕙᓕᕆᓂᖅ ᐱᒋᐊᓚᐅᖏᓂᖓᓂ
(ᒫᔾᔨ 2011)
ᐊᑭᖏᑦ ᓂᕿᑦᑎᐊᕙᓕᕆᓂᖅ ᐱᒋᐊᖅᑎᓪᓗᒍ
(ᓄᕕᐱᕆ 2014)
ᐊᑭᓖᖏᖔᕐᓂᖅ ᐊᑭᖏᑦ ᓂᕿᑦᑎᐊᕙᓕᕆᓂᖅ ᐱᒋᐊᓚᐅᖏᓂᖓᓂ
(ᒫᔾᔨ 2011)
ᐊᑭᖏᑦ ᓂᕿᑦᑎᐊᕙᓕᕆᓂᖅ ᐱᒋᐊᖅᑎᓪᓗᒍ
(ᓄᕕᐱᕆ 2014)
ᐊᑭᓖᖏᖔᕐᓂᖅ
ᐃᒻᒧᒃ – 2% ᐳᓴᓐᑎ 2L ᐃᕐᖑᓰᒃ $7.29 $4.45 $2.84 $8.49 $6.65 $1.84
ᑦᓯᑦᓰ – 300 g ᕿᑎᐊᓃᑦᑐᑦ ᓴᖏᓂᖏᑦ ᑦᓯᑦᓰᑦ $8.59 $8.49 $0.10 $8.99 $8.59 $0.40
ᒪᓐᓃᑦ – 1 ᐃᓗᐃᑦᑐᖅ 12-ᓂᒃ ᒪᓂᓕᒃ ᐊᖏᔪᓂᒃ ᖃᐅᓪᓗᖅᑐᓂᒃ $4.39 $2.59 $1.80 $4.89 $4.09 $0.80
ᓂᐊᖂᔭᖅ –ᐊᕕᒃᑐᐊᓂᒃᓯᒪᔪᑦ, 567-570 g $4.19 $2.49 $1.70 $4.54 $3.59 $0.95
ᐋᐳᐃᑦ – 3 ᐸᐅᑏᑦ ᐳᕐᒥᑦᑐᑦ $7.09 $6.85 $0.24 $11.69 $8.69 $3.00

ᒪᓕᒃᑕᐅᓪᓗᑎᒃ ᒫᓐᓇᓵᖑᓂᖅᐹᖅ ᖃᐅᔨᒪᔾᔪᑎᒃᓴᐃᑦ ᐊᑐᐃᓐᓇᐅᓕᖅᑐᑦ, ᐋᕿᒋᐊᖅᑕᐅᓯᒪᓕᖅᑐᑦ ᐅᑭᐅᖅᑕᖅᑐᒥ ᓂᕿᒃᓴᓂᒃᑕᐅᕙᒃᑐᑦ ᐊᑭᑭᒡᓕᒋᐊᖅᓯᒪᓚᐅᖅᑐᑦ 7.3% ᐳᓴᓐᑎᓐᓂᒃ ᐊᑯᓂᖏᓐᓂᒃ ᐊᕐᕋᒍᓂᒃ ᒫᔾᔨ 2011 ᐊᒻᒪᓗ ᒫᔾᔨ 2013 ᑲᖏᖅᓕᓂᕐᒧᑦ ᐊᒻᒪᓗ 10.2% ᐳᓴᓐᑎᓂᒃ ᐊᑯᓐᓂᖏᓐᓂᒃ ᐊᕐᕋᒍᓂᒃ ᒫᔾᔨ 2011 ᐊᒻᒪᓗ ᒫᔾᔨ 2013 ᑐᒃᑑᔭᖅᑐᕐᒥᐅᑕᐅᓂ.

ᓂᕿᑦᑎᐊᕙᓕᕆᓂᕐᒧᑦ ᐊᑎᓕᐅᖅᑕᐅᓯᒪᔪᑦ ᓂᐅᕕᕐᕖᑦ ᓄᐊᑦ ᐅᐊᔅᑦ ᑲᒻᐱᓂᒃᑯᑦ ᖃᐃᑎᓚᐅᖅᑐᑦ ᓂᖀᑦ ᐊᑭᖏᓐᓂᒃ ᖃᐅᔨᒪᑎᑦᑎᔾᔪᑎᓂᒃ ᑖᒃᑯᓇᓂ ᐊᑐᖅᑕᐅᓯᔪᓂ.

ᑭᖑᕝᕕᖅᑕᐅᓪᓗᑎᒃ ᐃᓇᖏᖅᑕᐅᓪᓗᑎᒃ ᓯᕗᓂᐊᒍᑦ ᓂᕿᓂᒃ ᑎᑭᓴᐃᔾᔪᑕᐅᕙᓚᐅᖅᑐᑦ ᑎᑎᖃᕐᓂᐊᕐᕕᒃᑯᑦ, ᓂᕿᑦᑎᐊᕙᓕᕆᓂᖅ ᑲᓇᑕᐅᑉ ᐅᑭᐅᖅᑕᖅᑑᓂᖓᓂ ᐊᑐᖅᑕᐅᓕᖅᑎᓪᓗᒍ ᐊᑐᐃᓐᓇᐅᑎᑦᑎᓂᖅᓴᐅᕙᓕᖅᑐᑦ ᐱᑕᖃᕐᓂᖅᓴᐅᓕᖅᓱᑎᒃ ᑎᒥᒧᑦ ᐱᐅᔫᑎᑦ ᓂᖀᑦ ᐃᓄᖕᓄᑦ ᐅᖓᓯᒃᑐᒥᒃ ᑎᑭᑕᐅᓴᕋᐃᖏᑦᑐᓃᑦᑐᓂᒃ ᓄᓇᓕᖕᓂ.

ᓂᕿᓂᒃ ᑎᑭᓴᐃᖃᑦᑕᕆᐊᓚᐅᖅᑐᓂᒃ ᓂᕿᑦᑎᐊᕙᓕᕆᓂᕐᒧᑦ ᑲᓇᑕᐅᑉ ᐅᑭᐅᖅᑕᖅᑑᓂᖓᓄᑦ
ᖃᓄᐃᑦᑐᓂᖏᑦ ᓯᕗᓂᐊᒍᑦ ᑎᑭᓴᐅᕙᓚᐅᖅᑐᓂᒃ ᐊᑐᖅᑕᐅᓚᐅᖅᑐᑦ: ᓂᕿᓂᒃ ᑎᑎᖃᕐᓂᐊᕐᕕᒃᑰᖅᑎᑦᑎᖃᑕᕐᓂᖅ ᒫᓐᓇᐅᓕᖅᑐᖅ ᐊᑐᖅᑕᐅᓕᖅᑐᑦ: ᓂᕿᑦᑎᐊᕙᓕᕆᓂᖅ ᑲᓇᑕᐅᑉ ᐅᑭᐅᖅᑕᖅᑑᓂᖓᓂ
ᑎᒥᒧᑦ ᐱᐅᔫᑦ ᓂᖀᑦ: ᑕᒪᒃᑯᐊ ᐊᑐᖅᑕᐅᓂᖏᑦ ᑐᕋᖓᕚᑦ ᑮᓇᐅᔭᐃᑦ ᐱᑕᖃᖁᔨᓂᕐᒧᑦ ᑎᒥᒧᑦ ᐱᐅᔪᑎᐅᓂᖅᓴᓂᒃ ᓱᕈᖅᓴᕋᐃᓐᓂᖅᓴᓂᒃ ᓂᒃᓴᓄᑦ? ᐋᒃᑲ – ᑮᓇᐅᔭᐃᑦ ᑐᕌᖓᓚᐅᖅᑐᑦ ᑎᒥᒧᑦ ᐱᐅᓂᖅᓴᐅᕙᖏᑦᑐᓂᒃ ᓂᕿᓂᒃ ᐊᒻᒪᓗ ᓂᕿᐅᖏᑦᑐᓂᒃ ᓂᐅᕕᐊᒃᓴᓂᒃ. – ᐊᑭᑭᓐᓂᖅᓴᐅᓕᖅᑎᓪᓗᒋᑦ ᓂᖀᑦ ᐃᓱᒪᒋᔭᐅᕗᑦ ᑕᐃᒃᑯᐊ ᑎᒥᒧᑦ ᐱᐅᓂᖅᐹᖑᓂᖏᑦ ᐊᒻᒪᓗ ᓱᕈᖅᓴᕋᐃᓐᓂᖏᑦ ᓂᖀᑦ ᐱᑕᖃᕈᓐᓇᕐᓂᖏᑦ.

ᓴᕿᑎᑕᐅᓕᓚᐅᖅᑐᑦ ᑕᒪᒃᑯᐊ ᐃᓚᒋᔭᐅᓪᓗᑎᒃ ᐋᓐᓂᐊᖃᖏᑦᑐᓕᕆᓂᕐᒧᑦ ᑲᓇᑕᒥ ᐊᑐᓕᖅᑎᑦᑎᔪᒪᓂᕐᒧᑦ ᐃᑲᔪᕈᒪᓂᕐᒧᓪᓗ ᐱᐅᔪᓂᒃ ᓂᕆᖃᑦᑕᖁᔨᓂᖅᓂ ᓄᓇᓕᖕᓂ.

ᑎᑭᑎᑕᐅᔪᓐᓇᕐᓂᖅᓴᐅᕙᓐ?: ᐊᑐᒐᒃᓴᐃᑦ ᑖᒃᑯᓂᖓ ᐱᔫᒥᓴᐅᑕᐅᕙᑦ ᑎᑭᑐᓐᓇᕐᓂᖅᓴᐅᓕᖅᑎᑦᑎᓂᖅ ᓱᕈᖅᓴᕋᐃᑦᑐᓂᒃ ᓂᕿᓂᒃ? ᐋᒃᑲ – ᐊᑐᖅᑕᐅᓂᖏᓐᓂ ᑖᒃᑯᐊ ᑐᕌᖓᓚᐅᖅᑐᑦ ᑎᑭᑎᑦᑎᖃᑦᑕᕐᓂᕐᒥᒃ ᓂᕿᓂᒃ "ᑎᑎᖃᕐᓂᐊᕐᕕᒃᑯᑦ ᑎᑎᖃᑎᑐᑦ", ᓂᕿᑎᑑᖏᑦᑐᖅ. – ᓂᐅᕕᕐᕖᓪᓗ ᑎᑭᓴᐃᕝᕖᓪᓗ ᐊᑐᑦᑎᐊᕐᓂᖅᐹᖑᔭᕆᐊᓖᑦ ᐋᖀᐅᒪᑦᑎᐊᕐᓂᖅᓴᐅᔪᓂᒃ ᐊᑐᐃᓐᓇᐅᑎᑦᑎᔪᓐᓇᕐᓂᖅᓂ ᑎᒥᒧᑦ ᐱᐅᔫᑎᓂᒃ, ᓱᕈᖅᓴᕋᐃᓐᓂᖅᓴᐅᔪᓂᒃ ᓂᕿᓂᒃ, ᓱᕈᑐᐃᓐᓇᕐᓂᐊᖏᒻᒪᓗᑕ ᐊᒻᒪᓗ ᐊᑯᓂᐅᓂᖅᓴᖅ ᓂᐅᕕᐊᒃᓴᐅᔪᓐᓇᕐᓂᐊᕐᒪᑕ.
ᐊᑐᖓᒃᓴᐃᑦ ᖃᓄᐃᓕᖓᓂᖏᓐᓂᒃ ᐅᓂᒃᑳᖅᑕᐅᑦᑎᐊᕐᕈᓐᓇᕐᓂᖏᑦ: ᑖᒃᑯᐊ ᐊᑐᐃᓐᓴᐅᓂᖏᓐᓂ ᖃᐅᔨᓴᕈᑎᖃᖅᐸᑦ ᐊᑭᑭᒡᓕᒋᐊᕈᑎᑦ ᑎᑭᐅᒪᖃᑦᑕᕐᓂᖏᓐᓄᒃ ᓂᐅᕕᕐᓂᐊᖅᑐᓄᑦ? ᐋᒃᑲ – ᒪᓕᒐᖃᖅᑕᖃᓚᐅᖏᑦᑐᑦ ᓂᐅᕕᕐᕕᖕᓄᓪᓗ ᑐᔪᐃᔨᐅᕙᒃᑐᓄᓪᓗ ᑐᓂᓯᖃᑦᑕᕆᐊᖃᕐᓂᖅ ᓂᐅᕕᐊᒃᓴᖃᖅᑎᒋᕙᖕᓂᖏᓐᓂᒃ ᓂᐅᕕᕐᕕᐅᓯᒪᓂᖏᓐᓂᒡᓗᓐᓃᑦ ᖃᐅᔨᒪᑎᑦᑎᔾᔪᑎᓂᒃ ᐃᖃᓇᐃᔭᕐᕕᒃᑎᓐᓄᑦ. – ᓄᓇᖃᖄᖅᑐᓕᕆᔨᒃᑯᑦ ᖃᓂᑦᑐᒻᒪᕆᐅᓪᓗᑎᒃ ᓇᐅᑦᑎᖅᑐᐃᖏᓐᓇᖅᐳᑦ ᓂᐅᕕᕐᕕᖕᓂᒃ ᐊᒻᒪᓗ ᑎᑭᓴᕕᖕᓂᒃ ᒪᓕᒋᐊᖃᕐᓂᖏᓐᓂᒃ ᒪᓕᒐᓕᐊᖑᓯᒪᔪᓂᑦ ᑮᓇᐅᔭᒃᓴᓂᒃᑕᐅᓯᒪᖃᑕᐅᓂᖏᓐᓄᑦ ᐊᖏᕈᑎᑎᒍᑦ, ᐃᓚᖃᖅᑐᓂᒃ ᖃᐅᔨᒪᑎᑦᑎᓂᖅ ᐊᑭᑭᒡᓕᒋᐊᕈᑎᒃᓴᐅᑎᓕᐊᕆᓯᒪᔭᖏᓐᓂᒃ ᐃᓄᖕᓄᑦ ᓂᐅᕕᖅᐸᒃᑐᓄᑦ. ᒪᓕᖕᒪᖔᑕ ᕿᒥᕐᕈᖅᑕᐅᓂᖏᓐᓄᑦ ᐅᓂᒃᑳᓕᐊᑦ ᓴᕿᑎᑕᐅᖃᑦᑕᖅᑐᑦ ᓂᕿᑦᑎᐊᕙᓕᕆᔨᒃᑯᑦ ᖃᕆᑕᐅᔭᒃᑯᑦ ᑕᑯᓂᐊᖅᑕᐅᕕᖓᓂ NNC website. ᑎᑭᓪᓗᒍ ᐄᐳ 1, 2015-ᒧᑦ, ᓄᑖᓂᒃ ᑎᑎᕋᖅᓯᒪᔪᑦ ᐃᓚᔭᐅᓂᐊᖅᑐᑦ ᑮᓇᐅᔭᒃᓴᓂᒃᑕᐅᓯᒪᔪᓄᑦ ᐊᖏᕈᑎᓄᑦ ᐅᓂᒃᑳᖅᓯᒪᔪᓂᒃ ᑐᓂᔭᐅᔪᑦ ᑕᐃᒃᑯᐊ ᑐᓂᓯᖃᑦᑕᕆᐊᖃᕐᓂᖏᓐᓂᒃ ᖃᐅᔨᒪᑎᑦᑎᔾᔪᑎᒃᓴᓂᒃ ᐊᑭᑭᒡᓕᒋᐊᖅᑕᐅᓯᒪᖁᕙᐅᔪᓂᒃ, ᐃᓚᖃᕐᓗᑎᒡᓗ ᖃᐅᔨᒪᑎᑦᑎᔾᔪᑎᒃᓴᐃᑦ ᐱᔾᔪᑎᖃᖅᑐᓂᒃ ᑮᓇᐅᔭᓕᐊᖏᓐᓂᒃ ᒫᓐᓇᐅᔪᖅ ᐊᒻᒪᓗ ᑮᓇᐅᔭᓕᐊᕆᓯᒪᔭᖏᓐᓂᒃ ᐊᑯᓂᐅᓂᖃᖅᑐᓂᒃ.
ᐊᑐᖅᑕᐅᓂᖏᑦ ᓴᕿᐅᒪᑎᑕᐅᓂᖏᑦ: ᑖᒃᑯᐊ ᐊᑐᖅᑕᐅᓂᖏᓐᓂᒃ ᒪᑐᐃᖓᕚᑦ ᐊᒻᒪᓗ ᓴᕿᐅᒪᑎᑕᐅᑦᑎᐊᖅᐸᑦ ᐊᐅᓚᑕᐅᓂᖏᓐᓂᒃ? ᐋᒃᑲ – ᐋᕿᐅᒪᔭᐅᓚᐅᖅᑐᑦ ᐊᑐᖅᑕᐅᓂᖏᓐᓂᒃ ᓴᓇᔭᐅᓯᒪᓚᐅᖅᑐᑦ ᖃᐅᔨᒪᔭᐅᕙᓪᓕᐊᔪᓐᓇᕐᓂᖏᓐᓂᒃ. – ᓈᓴᖅᑕᐅᓯᒪᔪᑦ ᖃᐅᔨᔭᐅᓯᒪᔪᓂᒃ ᐊᒻᒪᓗ ᐅᓂᒃᑲᓕᐊᑦ ᐊᑐᐃᓐᓇᐅᖃᑦᑕᖅᑐᑦ ᖃᕆᑕᐅᔭᒃᑯᑦ ᓂᕿᑦᑎᐊᕙᓕᕆᔨᒃᑯᑦ ᖃᕆᑕᐅᔭᒃᑯᑦ ᑕᑯᓂᐊᖅᑕᐅᕕᖓᓂ NNC website ᓄᓇᓕᖕᒥᐅᓄᑦ ᐊᒻᒪᓗ ᑐᓴᕈᒪᔪᓄᑦ ᐃᓄᖕᓄᑦ ᐊᑐᐃᓐᓇᐅᑎᑕᐅᓪᓗᑎᒃ.
ᐃᓚᐅᑎᑦᑎᖃᑕᕐᓂᖅ: ᑖᒃᑯᐊ ᐊᑐᖅᑕᐅᓂᖏᓐᓂ ᐱᕕᒃᓴᖃᓲᖑᕚᑦ ᑕᐃᒪᖓᑦ ᐃᓚᐅᑎᑦᑎᔪᓐᓇᕐᓂᖅ ᐅᑭᐅᖅᑕᖅᑐᒥᐅᑕᓂᒃ ᐱᓕᕆᐊᖑᕙᓪᓕᐊᔪᑦ ᖃᓄᐃᓕᖓᓕᕐᓂᖏᓐᓂᒃ ᐊᒻᒪᓗ ᖃᓄᐃᓕᕙᓪᓕᐊᔪᓐᓇᕐᓂᖏᓐᓂᒃ ᐊᑐᖅᑕᐅᔪᑦ? ᐋᒃᑲ – ᐊᐅᓚᑦᑎᔾᔪᑎᒃᓴᖅᑕᖃᓚᐅᖏᑦᑐᑦ ᐃᓗᐊᓂ ᐊᑐᒐᒃᓴᐃᑦ ᐃᓚᐅᔾᔪᑕᐅᔪᓐᓇᓚᐅᖅᑐᓂᒃ ᓄᓇᓕᖕᓄᑦ ᐊᑐᕈᓐᓇᖅᑎᑕᐅᔪᓂ. – ᑕᐃᒃᑯᐊ ᓂᕿᑦᑎᐊᕙᓕᕆᓂᕐᒧᑦ ᐅᖃᐅᔾᔨᒋᐊᖅᑏᑦᓄ ᑲᑎᒪᔨᖏᑦ NNC Advisory Board-ᑯᑦ ᐅᑭᐅᖅᑕᖅᑐᒥᐅᑕᓄᑦ ᓇᖕᒥᓂᖅ ᓂᐱᖃᕈᑕᐅᕗᑦ ᐊᑐᖅᑕᐅᔪᓄᑦ. ᐅᖃᐅᔾᔨᒋᐊᖅᑏᑦ ᑲᑎᒪᔨᖏᑦ ᑲᑎᒪᔭᕋᖔᒥᒃ ᐅᑭᐅᖅᑕᖅᑑᓂᕐᒥ, ᐃᓚᐅᑎᑕᐅᖏᓐᓇᓲᑦ ᑭᓇᒃᑯᑐᐃᓐᓇᐃᑦ ᐃᓄᓕᒫᑦ ᑐᓵᕐᓂᐊᕐᒪᑕ ᓇᖕᒥᓂᖅ ᐅᑭᐅᖅᑕᖅᑐᒥᐅᑕᓂᒃ ᐊᒻᒪᓗ ᓄᓇᓖᖕᓂ. ᑲᑎᒪᔩᑦᑕᐅᖅ ᐅᑭᐅᖅᑕᖅᑐᒥᐅᑕᐅᑐᖃᐅᔪᑦ.
ᖃᐅᔨᒪᔭᐅᓂᖏᑦ: ᐱᓕᕆᐊᖑᔪᑦ ᐊᑐᖅᑕᐅᓂᖏᑦ ᐅᔾᔨᖅᑑᑎᖃᖅᐸᑦ ᐊᑐᒐᒃᓴᐅᓂᖏᑦ ᖃᐅᔨᒪᔭᐅᓂᖏᓐᓂᒃ ᓄᓇᓕᖕᓂ? ᐋᒃᑲ – ᓂᐅᕕᕐᕕᐅᓯᒪᒧᑦ ᐃᑲᔪᖅᓱᐃᔭᕆᐊᖃᖅᑎᑕᐅᕙᓚᐅᖏᑦᑐᑦ ᓂᐅᕕᕐᕕᖕᓂ ᑐᓴᐅᒪᑎᑦᑎᖃᑦᑕᕆᐊᖃᕐᓂᖅ ᐊᑐᖅᑕᐅᔪᓐᓇᕐᓂᖏᓐᓂᒃ ᐅᕝᕙᓗᓐᓃᑦ ᓴᕿᑦᑎᖃᑦᑕᕆᐊᖃᕐᓂᖅ ᐊᑭᑭᒡᓕᒋᐊᖅᓯᒪᑎᒋᓂᖏᓐᓂᒃ ᓂᐅᕕᕐᓂᐊᖅᑐᓄᑦ ᐊᑭᓕᖅᑕᐅᖏᓐᓂᖅᓴᐅᓕᖅᑐᓂᒃ. – ᓂᐅᕕᕐᕕᑦ ᐃᓗᐊᓂ ᑐᓴᐅᒪᑎᑦᑎᖃᑦᑕᕆᐊᖃᖅᑐᑦ, ᑕᑯᒃᓴᐅᑎᑦᑎᓗᑎᒃ ᖃᓄᑎᒋ ᑮᓇᐅᔭᓂᒃ ᐊᑐᖏᓐᓂᖅᓴᐅᓯᒪᓂᖅ ᐊᑭᑭᒡᓕᒋᐊᖅᑕᐅᓯᒪᓂᖏᓐᓄᑦ ᓄᓇᓕᖕᓂ ᐊᑐᓂ. ᐊᒻᒪᑕᐅᖅ, ᐃᓕᖅᑯᓯᑐᕐᑲᕐᒥᓄᑦ ᓈᒪᔪᓂᒃ ᓂᐅᕕᒃᓴᐅᓂᖏᑦ ᐊᒻᒪᓗ ᓄᓇᓕᖕᓂ ᓂᕿᑦᑎᐊᕙᓕᕆᓂᕐᒥᒃ ᖃᐅᔨᒪᑎᑦᑎᔾᔪᑎᒃᓴᐃᑦ ᐊᑐᐃᓐᓇᐅᑎᑕᐅᖃᑦᑕᕐᒥᔪᑦ.
ᐃᓄᐃᑦ ᓂᕿᒋᕙᒃᑕᖏ: ᑖᒃᑯᐊ ᐊᑐᖅᑕᐅᓂᖏᓐᓂ ᐊᑭᑭᒡᓕᒋᐊᕈᑕᐅᕙᒃᐸᑦ ᐃᓄᐃᑦ ᓂᕿᒋᕙᒃᑕᖏᓐᓄᑦ? ᐋᒃᑲ – ᑎᑭᑎᑕᐅᓂᖏᑦ ᓅᑕᐅᓂᖏᑦ ᐃᓄᐃᑦ ᓂᕿᖁᑎᖏᑦ ᓄᓇᓖᑦ ᐊᑯᓐᓂᖏᓐᓂᒃ ᐊᑭᑭᒡᓕᒋᐊᖅᑕᐅᓯᒪᕙᓚᐅᖏᑦᑐᑦ. – ᐃᓄᐃᑦ ᓂᕿᖁᑎᖏᑦ ᓂᕿᓕᕆᔭᐅᓯᒪᔪᑦ ᑲᓇᑕᒥ ᒪᓕᒐᖃᖅᑎᑕᐅᔪᓄᑦ ᓂᕿᓕᕆᕕᖕᓄᑦ ᐅᑭᐅᖅᑕᖅᑐᒥ ᐱᔪᓐᓇᕐᓂᖃᖅᑎᑕᐅᔪᑦ ᐊᑭᑭᒡᓕᒋᐊᕈᑎᒃᓴᓂᒃ ᐊᑖᒍᑦ ᓂᕿᑦᑎᐊᕙᓕᕆᓂᖅ. ᑕᐃᒃᑯᐊ ᐊᑭᑭᒡᓕᒋᐊᕈᑏᑦ ᐃᑲᔫᑕᐅᔪᑦ ᐋᕿᐅᒪᑦᑎᐊᕐᓂᖅᓴᐅᔪᓂᒃ ᐱᑕᖃᕈᓐᓇᕐᓂᖏᓐᓂᒃ ᓂᕿᑦ ᓄᓇᓕᖕᓂ ᐃᓚᐅᑎᑕᐅᔪᓂ.
ᓇᐅᑦᑎᖅᑐᖅᑕᐅᕙᓪᓕᐊᖏᑦ: ᐊᐅᓚᑦᑎᔾᔪᑎᒃᓴᖃᖅᐸᑦ ᐋᕿᐅᒪᔭᐅᓗᑎᒃ ᖃᐅᔨᓴᕈᑏᑦ ᐅᑭᐅᖅᑕᖅᑐᒥ ᓂᐅᕕᕐᕖᑦ ᐊᑐᑦᑎᐊᕿᐊᖃᕐᓂᖏᓐᓂᒃ ᐊᑭᑭᒡᓕᒋᐊᕈᑎᒃᓴᓂᒃᑕᐅᓯᒪᓂᖏᓄᑦ? ᐋᒃᑲ – ᓇᐅᑦᑎᖅᑐᖅᑕᐅᕙᓚᐅᖏᑦᑐᑦ ᐊᒻᒪᓗ ᑐᑭᓯᓂᐊᕈᑕᐅᕙᓚᐅᖏᑦᑐᑦ ᖃᐅᔨᒪᔾᔪᑕᐅᓂᕐᒧᑦ ᐊᑭᑭᒡᓕᒋᐊᕈᑎᒃᓴᓂᒃᑕᐅᓯᒪᔪᑦ ᐊᑐᖅᑕᐅᒐᓗᐊᕐᒪᖔᑕ ᓂᐅᕕᖅᑎᓄᑦ ᐊᑭᑭᓐᓂᖅᓴᓂᒃ ᐊᑭᓖᔪᓐᓇᕐᓂᖏᓐᓄᑦ ᓂᕿᑖᕆᔭᖏᓐᓄᑦ. – As of ᓂᕿᑦᑎᐊᕙᓕᕆᓂᕐᒧᑦ ᑮᓇᐅᔭᒃᓴᓂᖕᓂᕐᒧᑦ ᐊᖏᕈᑎᑦ ᒪᓕᒐᖃᖅᐳᑦ ᓂᐅᕕᖅᕖᓪᓗ ᓂᕿᓂᒡᓗ ᑎᑭᓴᐃᕕᑦ ᐅᖃᖃᑦᑕᕆᐊᖃᕐᓂᖏᓐᓂᒃ ᐊᑭᑭᒡᓕᒋᐊᕈᑕᐅᓯᒪᓂᖏᓐᓂᒃ ᓂᐅᕕᖅᐸᒃᑐᓄᑦ, ᖃᐃᑦᑎᖃᑦᑕᕆᐊᖃᖅᓱᑎᒡᓗ ᑮᓇᐅᔭᐃᑦ ᐊᐅᓚᓐᓂᕕᓂᖏᓐᓂᒃ ᖃᐅᔨᓴᕈᑕᐅᓂᕕᓂᖏᓐᓂᒃ ᐱᓕᕆᕕᖕᒥᓂᒃ, ᐱᔪᒪᔭᐅᒍᑎᒃ. ᐄᐳ 1, 2015-ᒥ, ᓄᑖᓂᒃ ᑎᑎᕋᖅᓯᒪᔪᖃᕐᓂᐊᓕᖅᑐᖅ ᐃᓚᔭᐅᓂᐊᖅᑐᓂᒃ ᑮᓇᐅᔭᒃᓴᓂᒃᑕᐅᓂᕐᒧᑦ ᐊᖏᕈᑎᓄᑦ ᐅᓂᒃᑳᖅᓯᒪᔪᓂᒃ ᑕᐃᒃᑯᐊ ᑐᓂᔭᐅᔪᑦ ᖃᐃᑦᑎᖃᑦᑕᕆᐊᖃᕐᓂᖏᓐᓂᒃ ᑕᒪᐃᓐᓂᑦᑎᐊᖅ ᖃᐅᔨᒪᔾᔪᑎᒃᓴᓂᒃ ᐊᑭᑭᒡᓕᒋᐊᖅᑎᑕᐅᓯᒪᔪᓂᒃ ᓱᓇᐅᓂᖏᓐᓂᒃ, ᐃᖃᕐᓗᑎᒡᓗ ᒫᓐᓇᐅᔪᖅ ᑮᓇᐅᔭᓕᐅᖅᑎᒋᓂᖏᓐᓂᒃ ᐊᒻᒪᓗ ᐊᑯᓂᖃᖅᑎᑕᐅᔪᓂᒃ ᖃᓄᑎᒋ ᑮᓇᐅᔭᓕᐅᖅᑎᒋᓯᒪᓚᐅᕐᓂᖏᓐᓂᒃ ᐅᓂᒃᑳᓂᒃ.
Date modified: